AZAM FC yatoka sare ya 2 na Atlabara y6a Sudan

Wachezaji wa Azam Fc wakishangilia goli

MASHINDANO  ya vilabu bingwa Afrika Mashariki na Kati maarufu kama kombe la Kagame yanaendelea mjini Kigali.

Timu ya Azam Fc ya Tanzania imetoka sare ya kufungana magoli 2 na Atlabara ya Sudan Kusini katika katika mashindano ya kombe la Kagame .

Mechi ilichezwa katika uwanja wa Nyamirambo jijini Kigali.

Azam wameongoza mchezo na kumaliza kipindi cha kwanza wakiwa mbele kwa goli 1 lililotiwa kimiani na mshambuliaji Borou kunako dakika ya 44.

Goli hilo lilikombolewa na mshambuliaji Thomas kunako dakika ya 48 kabla ya Martin Bonny kufunga goli la pili la Atlabara kunako dakika ya 54

Azam imesubiri dakika ya 85 kumuona mshambuliaji wake Kavumbagu akirudishia matumaini ya angalau kupata alama moja.

AZAM inaongoza kundi la A ikiwa na alama 5 ikifwatiwa na Rayon Sport ya Rwanda yenye alama 4.