MAAMBUKIZI ya vvu toka kwa mama kwenda kwa mtoto yapungua kwa asilimia 5

 

Wahudumu wa Tacaids wakiendelea na shughuli za upimaji wa vvu siku ya ukimwi duniani

MAAMBUKIZI ya VVU-Ukimwi kutoka kwa mama mjamzito kwenda kwa mtoto yamepungua kwa asilimia Tano nchini kutoka asilimia 20 mwaka 2012 hadi kufikia asilimia 15 mwaka jana.

Hayo  yamebainishwa na wadau wa mapambano dhidi ya ukimwi na vvu katika semina iliyofanyika mijini Morogoro

Wataalamu hao wamesema,Matokeo ya kupungua huko kwa maambukizi yanatokana na mwitikio wa matumizi ya kidonge chenye mchanganyiko wa dawa tatu zijulikanazo kitaalamu TDF,3TC na EFV zinazotumika tangu  mama mjamzito anapogundulika kuwa na maambukizi hayo.

Katika risala ya afya mkoa kwenye uzinduzi wa mpango wa kutokomeza maambukizi hayo unaotekelezwa na asasi ya Tunajali kwa ushirikiano na Wamarekani kwenye mikoa mitano nchini, Mganga mkuu mkoa Dk.Godfrey Mtei alisema mbali na mafanikio hayo serikali inakusudia kushusha zaidi maambukizi hayo hadi chini ya asilimia nne mwakani.

Alisema ili kufikia lengo la kutokomeza maambukizi hayo serikali na wadau wakeTunajali inayoshikiana na Deloitte,Cristian social services commission-CSSC na USAID inataraji kutoa mafunzo kwa wahudumu 60 kuazia mwezi Julai ili kuziba pengo la vituo 219 vilivyobaki.

  

Kwa mujibu wa Dk.Mtei, mwaka jana serikali ya mkoa wa Morogoro ikishirikiana na wadau wake ilipima wajawazito.