HOSPITALI ya rufaa mkao wa Morogoro yakiri Mochuwari kuzidiwa

Hopsitali ya rufaa ya mkoa wa Morogoro

BAADA ya waandishi wa habari   kuripoti hali mbaya chumba cha kuhifadhia maiti Hospitali ya rufaa mkoani Morogoro,uongozi wa hospitali hiyo na mkoa umekili kuwepo kwa hali hiyo nakuwaangukia wadau kupanua chumba hicho sambamba na kununua majokofu.

 Mganga mfawidhi wa hospitali hiyo  Dk Riata Lyamuy a amewambia wandishi wa habari mapema leo kuwa   “hali hii imekuwa ikitokana na uchache,uchakavu wa majokofu na udogo wa jengo hivyo kushindwa kukidhi mahitaji ikumbukwe tumebakiwa na jokofu moja lenye uwezo wakuhifadhi maiti sita tu”

 Dk.Rita alisema ingawa serikali imekuwa inachukua hatua mbalilmbalimbali kuondoa kabisa tatizo hilo chumba hicho kimekuwa tegemeo kubwa dhiidi ya marehemu toka hospitali,vituo vya afya na zahanati zilizo Manspaa ya Morogoro na Halmashauri ya Morogoro.

“mbali na Miati hizo pia kuna maiti zitokanazo na kuokotwa pia ajali zikisubiri kutambuliwa na uchunguzi,vifo kutoka majumbani na matukio katika jamii”alifafanua Dk.Rita.

Alifafanua kuwa hadi 26/1/2016  waandishi wa habari wakiripoti hali mbaya katika Mochwari hiyo,kulikuwa na maiti 12 zikiwemo tano zilizokuwa zikisubiri kutambuliwa,tatu zilizotokana na ajali ya basi la kampuni ya BM,maiti moja iliyotokana na ajali ya pikipiki na tatu kutoka hospitalini hapo zikisubiri taratibu za mazishi.

Alisema tayari serikali ikishirikiana na sekretarieti ya mkoa imetafuta wadau kusaidia kukarabati jengo hilo sambamba na kuondoa majokofu chakavu yasiyotengenezeka kununua na kuweka majokofu mapya ili kuongeza uwezo wa kumudu mahitaji.