MASOKO jijini Dar yaendelea kugubikwa na changamoto ya uchafu

 

Wafanyabiashara wa mbogamboga wa soko la Ilala jijini Dar

TATIZO la uchafu wa mazingira katika masoko mengi jijini Dar es salaam uimeendelea kuwa tatizo sugu ambapo hali ni mbaya zaidi na huenda wafanyabiashara na wananchi wakakumbwa na magonjwa ya mlipuko kutokana na kukithiri kwa uchafu.

Mbiu ya Maendeleo ilitembelea soko la Ilala, jijini Dar es salaam na kuzungumza na baadhi ya wafanyabiashara na wanunuzi wa bidhaa sokoni hapo, ambapo walisema hakuna jitihada zozote zinazofanywa na  mamlaka  za Halmashauri za wilaya na jiji jijini Dar es salaam, kwani hali ni mbaya mno ilihali wafanyabiashara wanalipa ushuru kila siku kwa manispaa na makampuni binafsi ya usafi lakini hali ni mbaya mno kwa wafanyabiashara na afya ya walaji.

Hali ya usafi wa mazingiara hasa katika masoko mbalimbali jijini Dar es salaam ni tatizo sugu lililokosa ufumbuzi kwa muda mrefu sasa.