HALMASHAURI MORO yawaombwa kumfichua mwizi

Jengo la manispaa ya Morogoro

BAADA ya vyombo vya dola kushindwa kabisa kumnasa mafichoni mwizi wa vitabu vya kukusanyia maduhuli ya serikali aliyekuwa mtendaji kata ya Mkuyuni Amosi Mbugulu, Halmashauri ya wilaya ya Morogoro imewaangukia wanachi nchini ikiwaomba kumfichua aliko ili akamatwe kuikabili kesi yake Na MOR/RB/8013/2014.

Kwa mujibu wa mkurugenzi wa halmashauri hiyo Yona Maki kwenye baraza la madiwani ,Mbugulu alitoweka na vitabu hivyo vya ushuru wa soko tangu mwezi Julai na amekuwa akitafutwa bila mafanikio.

Vitabu anavyodaiwa kutoweka navyo ni pamoja na chenya namba 131701-131800 chenye tozo la sh.400, 192901-193000 tozo  la sh.200, 195201-1953300 cha tozo la sh.200, 198001-198100 cha tozo la sh.200 na 198101-198200 cha tozo la sh.200.

Alisema juhudi za kumpata zimegonga mwamba kutokana na taarifa za kazi za mtendaji huyo kutokuwa sawa kutokana na kuhamishwa hamishwa kutoka kata moja kwenda nyingine.

Mkurugenzi huyo alilazimika kuwaangukia wanachi nchini kote baada ya diwani wa kata ya Kiroka Robert Selasela aliyetaka kujua kwanini mtendaji huyo hajakamatwa mpka sasa na ni hatua gani zimechukuliwa dhiidi yake.

 “Mwenyekiti tungependa kujua mkurugezi amechukua hatua gani dhiidi ya mtendaji huyo na kwa nini hajakamatwa mpka leo… kesi yake imefikia wapi? Amesimamishwa!  Au amehamishiwa wapi na kwa nini?”Alihoji Selasela