Dkt Kizza Besigye akamatwa tena na polisi nchini Uganda

Dkt Kiza Besigye 

WANAJESHI wa Uganda wakishirikiana na maafisa wa polisi wamevamia na kuzingira afisi za chama cha upinzani za Forum for Democratic Change (FDC).

Kiongozi wa chama hicho, Dkt Kizza Besigye, ambaye amekuwa akiwania urais amekuwemo ndani ya ofisi hizo na wanahabari waliokuwa katika eneo hilo wanasema polisi wameondoka naye akiwa kwenye gari lao.

Kituo cha televisheni cha NBS kimeripoti kuwa Besigye na rais wa FDC Mugisha Muntu wamekamatwa katika makao makuu hayo eneo la Najjanankumbi, na wafuasi wa chama hicho wakatawanywa kwa kutumia mabomu ya kutoa machozi.

Mke wa Dkt Kizza Besigye, Winnie Byanyima, ameandika kwenye Twitter kwamba kiongozi huyo wa upinzani bado anazuiliwa katika kituo cha polisi cha Nagalama pamoja na Jenerali Muntu. Askari anayewalinda anasema amewapa mkeka wa kulalia.