ISRAEL haina ubavu wa kijeshi wa kuipiga Iran

Ehud Barak

Ehud Barak Waziri Mkuu wa zamani wa utawala wa Kizayuni wa Israel amesema kuwa, utawala huo hauna uwezo wala nguvu za kupambana kijeshi na Jamhuri ya Kiislamu ya Iran.

 Kwenye mahojiano aliyofanyiwa na gazeti la Haaretz linalochapishwa huko Israel, Ehud Barak amesisitiza kwamba, wakati Benjamin Netanyahu Waziri Mkuu wa Israel akihubiri na kutoa kauli za vitisho vya kutaka kuishambulia kijeshi Iran, anapaswa kwanza kufikiria mpango wa kutatua matatizo ya kiuchumi yanayoukabili utawala huo. Ehud Barak ameongeza kuwa, wakati alipokuwa Waziri Mkuu wa Israel, jeshi la utawala huo lilipinga vikali mpango wowote wa kutaka kuishambulia kijeshi Iran, kutokana na hofu ya radiamali ya kijeshi itakayoonyeshwa na serikali ya Tehran na jamii ya kimataifa. Barak ambaye aliwahi pia kuwa Waziri wa Vita wa Israel amebainisha kuwa, kuna umuhimu wa kutatuliwa mushkeli ulioko kati ya utawala huo na Wapalestina.

 Ehud Barak amehoji kwamba, wakati utawala ulioko madarakani unashindwa kupambana na wanamgambo wa Hamas, vipi utaweza kutumbukia kwenye vita dhidi ya taifa lenye nguvu kama Iran? Kwenye mahojiano hayo, Waziri Mkuu wa zamani wa Israel ameufananisha utawala wa Israel na utawala uliopita wa kibaguzi huko Afrika Kusini. Inafaa kuashiria hapa kuwa, Ehud Barak aliwahi kuwa Waziri Mkuu wa Israel kuanzia mwaka 1999 hadi 2001 na