WAAJIRI wa sekta binafsi washajishwa kupanua ajira

Mkuu wa wilaya ya Mvomero, Morogoro Elizabeth Mkwasa 

SERIKALI mjini Morogoro imesema sekta binafsi ni chanzo kikuu cha maendeleo nchini na kuwataka waajiri kupitia sekta hiyo kupanua wigo wa ajira kwa watanzania,masilahi mazuri na elimu elekezi juu ya mahitaji ya shuguli zilizo kwenye sekta zao ili shuguli hizo ziwe na tija kwao na taifa.

 Agizo hilo limetolewa na mkuu wa wilaya ya Mvomero Elizabeth Mkwasa kwenye sherehe ya kufunga mwaka na kukaribisha mwaka mpya iliyokuwa imeandaliwa umoja wa makampuni ya Nice Group ya jijini Dar es salaam katika ukumbi wa Nashera.

Katika sherehe hizo, Elizabeth alisema katika kipindi hiki ambapo serikali inakusudia kwenda katika uchumi wa kati,wawekezaji wakiwemo wafanyabiashara wanapaswa kujipanga kutumia rasilimali hususani watu na vitendea kazi vya nchini zaidi kwakua kufanya hivyo kunaimarisha uchumi.