WAKULIMA wa miwa Kilombero waongeza tani za uzalishaji.

WAKULIMA wa Miwa wilayani Kilombero wamemwahidi Rais John Magufuli kumwaga Sukari ya kutosha nchini endapo atawatafutia viwanda vikubwa vyenye uwezo wa kusindika miwa yote watakayozalisha kwa msimu baada ya kufanikiwa kuongeza uzalishaji kutoka wastani tani 16 hadi tani 70 za miwa kwa hekta.

Akizungumza kwenye ya mahafali ya uhitimu wa kilimo bora cha Miwa mafunzo yaliyofanywa na kituo cha utafiti Kibaha kwa vikundi 33 vyenye zaidi ya wakulima 584 Kilombero,

Mhitimu Kelvin Haule alisema wamepata stadi kubwa ya uzalishaji zao hilo nakuwa tatizo ni ukosefu wa viwanda vyenye uwezo wa kusindika miwa hiyo.

“wakati tukizalisha kati ya tan 8-16 kwa Hekta viwanda tulivyo navyo Kilombero yaani K 1 na K 2 vinasindika kwa kati ya asilimia 35 – 40 ya miwa ya nje huku ya ndani ikiishia asilimia 60 kwa msimu…sasa leo tunaweza kuzalisha kati ya Tani 45-70 kwa Hekta kwa msimu unadhani itasindikwa kiasigani! Alisema Haule.

Akimkaribisha mkuu wa wilaya hiyo kuzungumza,mtafiti kitengo cha usambazaji wa teknolojia toka kituo Kibaha Diana Nyanda, alisema kituo kimefanikiwa kuongeza mashamba darasa wilayani humo kutoka vikundi vitano vyenye wakulima 77 mwaka 2010 hadi kufikia vikundi 33 vyenye wakulima 584 mwaka huu.

Alisema mashamba darasa hayo yamewezesha wakulima kuandaa mashamba,kutambua muda wa upandaji,matumizi bora ya viuatilifu na upatikananji begu bora ikiwemo aina ya NCO 376 zenye uwezo wa kukabiliana na mabadiriko ya hali ya hewewa ukiwemo ukame na magonjwa.

Mkuu wa wilaya hiyo James Ihunyo mbali na kupongeza juhudi za watafiti kufanikisha kukabili changamoto zinazo wakabili wanachi alisema serikali inaendele kutafuta ufumbuzi wa tatizo la ajira na ukuzaji uchumi kupitia viwanda vidogo,kati na vikubwa.

“ili uvutie kiwanda katika sekta yoyote lazima mwekezaji ajiridhishe na malighafi inayopatikana hapo inaweza kutosheleza mahitaji yake kwa muda gani! Kama mlivyosema kwa ongeseko hilo la uzalishaji seriakali inawaahidi kutafuta haraka mwekezaji katika sekta ya sukari”alisema mkuu huyo.

Aidha aliwataka kuzalisha kwa tija malighafi miwa sambamba na chakula ili waweze kumudu changamoto ikiwemo ya baa la njaa zinazoweza kujitokeza hasa katika kipindi hiki ambacho dunia inakabiliwa na baa la mabadiriko ya hali ya hewa.