AMIR wa Qatar alaani mauaji ya Ghaza

Amir wa Qatara Tamim bin Hamad Aaal Thani

AMIR  wa Qatar amemtaka Katibu Mkuu wa Umoja wa Mataifa Ban Ki moon achukue hatua za maana ili kukomesha jinai za utawala wa Kizayuni wa Israel dhidi ya wananchi wa Ghaza huko Palestina.

 Tamim bin Hamad Aal Thani ametoa takwa hilo katika mazungumzo yake kwa njia ya simu na Ban Ki-Moon na kusisitiza kwamba, jamii ya kimataifa na Baraza la Usalama linapaswa kutekeleza majukumu yake ipasavyo ambapo mbali na kukomesha jinai za Israel ziwaunge mkono wananchi madhulumu wa Palestina.

Aidha Amir wa Qatar amefanya mazungumzo kwa njia ya simu na Recep Tayyib Erdogan Waziri Mkuu wa Uturuki na kujadiliana naye udharura wa kuweko juhudi za pamoja za kuwasaidia wananchi wa Palestina.

 Wakati huo huo, jinai za Israel huko Ghaza zimeendelea kulaainiwa katika kila pembe ya dunia na kutolewa miito ya kukomeshwa jinai hizo. Chama tawala cha African National Congress nchini Afrika Kusini kimetangaza kwamba, utawala wa Kizayuni wa Israel unapaswa kusimamisha haraka iwezekanavyo mashambulizi yake ya kijeshi na kuondoa mzingiro wa kidhulma dhidi ya wananchi wa Palestina walioko katika eneo la Ukanda wa Ghaza.

 Tanzania pia imetaka kukomeshwa mara moja mauaji huko Ghaza.