VIONGOZI wa vijiji na kata wilayani Gairo watakiwa kuunda mabaraza ya usuluhishi

Jeshi la polisi nchini Tanzania

VIONGOZI wa Vijiji  na Kata katika Tarafa ya Gairo Wilayani humo Mkoani
Morogoro  wametakiwa kuunda haraka mabaraza ya kusuruhisha  migogoro ya ardhi katika maeneo yao  ili kupunguza kesi  hizo kwenye mahaka ya ardhi.

Wito huo umetolewa na Afisa Tarafa wa Gairo Winfred Kipako kwenye mafunzo ya kuwajengea uwezo Viongozi wa vijiji na Kata iliyoandaliwa na Jeshi la Polisi
Wilayani humo.

Kwa mujibu wa Kipako maeneo mengi katika Wilaya hiyo yana migogoro ya ardhi  hasa  mipaka na mashamba hivyo kusababisha watu kuendelea kuwa masikini kwa kukalia kutatua migogoro hiyo badala ya kufanya shughuli za maendeleo.

Afsa tarafa huyo aliwataka Viongozi hao kuunda mabaraza hayo kwakua ni msingi mkubwa wa haki kwa mwenye eneo badala ya Mahakamani ambako inaweza kusababisha sheria kupindishwa kwa mwenye haki kwa kushindwa kujieleza.

Kwa upande mwingine Jeshi la Polisi Wilayani humo limewataka watendaji
 wa Kata kuwapatia ofisi za kudumu askari kata kata maeneo hayo kwani
jeshi hilo limejipanga kuwasambaza askari  katika kata.