MAKUNDI maalum yaitahadharisha serikali kuhusu uchaguzi ujao

MAKUNDI maalumu katika jamii likiwemo la walemavu,vijana na wanawake mkoani Morogoro wametabiri machafuko ya kisiasa nchini katika chaguzi zijazo za serikali kutokana na serikali kufumbia macho rushwa na kuwaogopa mabepari wenye fedha katika harakati za uchaguzi.

Hayo yamebainishwa kwa nyakati tofauti mjini hapa na mwenyekiti wa wenye Ualubino mkoani Morogoro David Mganga,mjasiliamali wilayani Mvomero Joyce White na Mwenyekiti wa chama cha Jahazi asilia Ismail Ismail mara baada kukutanishwa.

Walisema hofi ya kuhujumiwa na wenyefedha kwa uchaguzi unaotaraji kuanza na serikalia za mitaa mwezi Desemba  na kukamilishwa mwakani na serikali kuu haitokanani tu na nguvu ya fedha bali inatokana na jinsi serikali inavyo waogopa matajiri.

Hata hivyo walitaja changamoto zinazowakabili kutojitokeza kuwania uongozi mbalimbali kuwa ni pamoja na kuendelea kwa mifumo Dume katika jamii,umasikini,ubaguzi wa jinsi na hofu ya kuuwawa hususani kwa wenye ulemavu wa ngozi.

Mratibu wa mafunzo hayo yaliyoandaliwa mtandao wa jinsia nchini TGNP na kituo cha haki za binadamu LHRC, Happy Maruchu  alisema lengo la kuwakutanisha ni kuwajengea uwezo makundi hayo kuingia na kuwania nafasi mbalimbali za uongozi.

Uchaguzi wa serikali za mitaa nchini unataraji kufanyika nchini kote mwezi Desemba licha ya mvutano mkubwa baina ya wadau wa uchaguzi vikiwemo vyama vya siasa,asasi za kiraia,makundi maalumu nan tume ya uchaguzi kuvutana na serikali juu ya lini ufanyike.