Dk Ngasongwa na Kanali Mwisongo wakerwa na tuhuma za ufisadi ndani ya ccm

Mheshimiwa Edward Lowasa akionesha fomu ya wadhamini mkoani Morogoro

VIONGOZI wakongwe  wa chama cha mapinduzi CCM mkoani Morogoro,wamekerwa na tuhuma mbalimbali zinazoshushiwa chama Tawala.

Wakizungumza kwenye makabidhiano ya fomu za udhamini ofisi ya CCM mkoa,wakongwe hao Dk.Juma Ngasongwa,Kanal Isack Mwisongo,mwenyekiti wa wenyeviti wa ccm Mgana Msindai na Mwenyekiti ccm wilayani Kilosa Nasoro Udulele kwa nyakati tofauti walionyesha kukerwa na tuhuma pia dhamira ya jina la Edward Lowassa kukatwa kwenye vikao vya chama njini Dodoma.

“hapa katikati uongozi wa chama umeyumba na kupoteza mwelekeo,kila mtu ndani ya chama amegeuka kiongozi wa kusema na kuamua atakavyo…mara tunaitana mizigo,wachafu hii yote ni kutokana na kutokuwa na uongozi imara ambaye ni Lowassa”alisema Dk Ngasongwa.

Mbali na hilo Dk.Ngasongwa akinukuu baadhi ya maneno ya watiania kumnyoshea kidole Lowasa,alihoji usafi wao ulipo wakati tayari walikisaliti chama na kukimbilia upinzani na waliposhindwa huko wakarudi wakiwa wamejikunyata kwa aibu.

“Lowasa ni dawa ya kukirejesha chama na serikali kwenye matumaini ya kuwaongoza watanzania na kuwafikisha wapatarajiapo,hakuwahi kuyumbishwa na vyama kama ilivyo kwa baadhi ya watia nia ambao walikimbilia upinzani yalipowashinda wakarudi tena ccm…hatuwezi kuwaamini hata kidogo”alifafanua zaidi.

Akitaja umahili wa Lowassa ndani ya chama Mwenyekiti mstaafu Kanal.Mwisongo aliwataja Edward Lowasa,Ditopile Mzuzuri na rais Jakaya Kikwete kuwa mwaka 1977 wakiwa vijana wenye shahada walikataa kufanya kazi serikalini na kukimbilia chamani bila kujali ujira mdogo uliokuwa huko.

“nikwa uwezo wenu mkakiwezesha chama kufanya vema katika uongozi na chama kukua na kupendwa ndani na nje ya nchi…kuna maneno kuwa ulikataliwa na Mwal.Julius Nyerere, mimi nakanusha nikithibitisha kuwa nimekuwa nikishiriki vikao vyote vya chama hakuna hata kikao kimoja ambacho Nyerere alisimama akamkataa”alisema Kanal Mwisongo.

Akiainisha uwezo wa Lowassa kuongoza na kusimamia,Kanal Mwisongo alisema kwa muda mrefu ameonyesha kuwapenda watanzania kwa kuchukua maamuzi magumu ikiwemo kukatisha mikataba mobovu,kusafirisha maji toka ziwa Viktoria hadi mikoa kama,uboreshaji elimu hasa ya sekondari nchi nzima