WAKULIMA wa muwa Msolwa kukusanya milioni 543

Mashamba ya miwa kijiji cha Msolwa Ujamaa Kilombero

CHAMA cha wakulima wa nje wa kilichopo kijiji cha  Msolwa ujamaa(MUCGA) wilayani Kilombero, mkoa wa Morogoro  kinataraji kukusanya zaidi shilingi 543,640,000 na kutumia shilingi 509,290,000 katika kipindi cha mwaka 2015/2016.

Pato hilo linatokana na chama hicho kilichoanzishwa mwaka 2008 chenye wakulima wanachama 1,152 wenye ekari 5,210 kutaraji kuvuna zaidi ya tani 51,000 za miwa kisha kusindikwa na kutengenezwa bidhaa ikiwemo sukari.

Mwenyekiti wa Mucga Sebastian Sangilindege alisema hayo mwishoni mwa wiki kwenye mkutano mkuu na kubainisha kuwa mafanikio hayo yamekiwezesha chama hicho kuaminika na taasisi za fedha ikiwemo Benki ya CRDB na kuwakopesha shilingi Mil.520 zitkazo kwenda kw wanachama 100.

"tunaendesha kazi zetu vizuri na matunda yake ni zaidi wakulima 100 walio katika mashamba ya pamoja(block farm) watapata mikopo ya jumla ya shilingi mil.520 kwa ajili ya kuendeleza mashamba yao ya miwa"alifafanua Sangilindege.

Kwa mujibu wa mwenyekiti Sangilindege baadhi ya vikundio vitakavyonufaika na fedha hizo kutoka CRDB ni pamoja na Kumekucha,Mdokonyole,Usawa,Ushindi,MU1,MU5,MU11,MU17  na MU18.

Alitaja mafanikio mengine kuwa ni chama kujiimarisha kwa kununua vitendeakazi ikiwemo mashine ya kupakilia miwa,kuongeza mavuno hadi tani 55,000 toka kiwango walichopangiwa na kiwanda cha sukari na kurekebisha miundombinu mashambani hasa sehemu korofi.

Aidha chama kimepunguza baadhi za gharama zikiwemo za wakandarasi katika huduma za ukataji,upakiaji na usafirishaji ni za chini ukilinganisha na vyama vingine vya wakulima wa miwa katika bonde la Kilombero pia wamejitahidi kuwapatia pembejeo kwa gharama nafuu.

"na katika msimu huu tunataraji kujenga ofisi ya chama na utaratibu wa ujenzi upo tayari baada ya kupata hati ya kimila,tunataraji mwezi Septemba ujenzi utaanza kwani tumetenga shilingi mil 40"alisema