WASIOHUDHURIA vikao vya serikali ya mtaa kuburuzwa mahakamani

soko kuu la Morogoro

WANANCHI wa mtaa wa Kola‘B’kata ya Kichangani Manispaa ya Morogoro wameunda sheria ndogo ya mtaa itakayowaburuza mahakamani wote watakaokuwa wakuipuuza na kutohudhuria vikao na mikutano inayoitishwa na serikali yao ya mtaani wakilenga kujenga uwajibikaji na maendeleo ya haraka.

Sambamba na hilo wamezindua dira ya maendeleo ya mtaa inayoambatana na mpango mkakati wa muda mrefu na mfupi hadi miaka mitano ijayo.

Akiwahutubia wanachi katika mtaa huo Mwenyekiti wa mtaa huo Asegelele Mwaitebele alisema lengo la seria hiyo itakayokwenda sambamba na faini watakayokubaliana sambamba na dira hiyo mtaani hapo ni kuhakikisha kila mwanachi anashiriki vema katika shuguli za maendeleo na kubaini haraka walipokosea kasha kurekebisha.

“katika kuandaa mkakati huu tumeunda kamati za maendeleo zitakazo mshilikisha kila mwanachi kushiriki katika mipango na shuguli za maendeleo…kuna kamati tisa ikiwemo ya utawala na uongozi pia kamati ya mipango,fedha na uchumi”alisema Mwaitebele.

Kamati nyingine kwa mujibu wa Mwaitebele ni Miundombinu na Maji,Maafa,Elimu na michezo,Afya na Mazingira,ulinzi na usalama,kilimo na ufugaji pia kamati ya Ukimwi na mazingira hatarishi.

Katika mkutano huo wa kwanza tangu wachaguliwe Septemba.2014 uliokuwa na agenda sita ikiwemo ya kutoashukarni,kutambulisha serikali,kamati za maendeleo na mpango mkakati Mwenyekiti huyo alisema serikali hiyo inakabiliwa na kutokuwa na ofisi pia vifaa vya kufanyia kazi.

“kulikuwa na sababu kadhaa zilizotuchelewesha tusiitishe mkutano kubwa ikiwa uongozi ulipita kutotaka kukabidhi ofisi na ugeni wa kuongoza lakini sasa tumejifua na tupo tayari kuwaongoza kwa misingi ya sheria na haki”aliongeza.

Awali akimkarisha mwenyekiti huyo kuzungumza,kaimu mtendaji wa mtaa huo Martin Rumisha mbali kuunga mkono hoja za mwenyekiti alionyesha kusikitishwa na mahudhurio madogo mkutanoni hapo kisha kuwataka kutoa wazo la kudhibiti utoro huo.

“mnaweza kutunga sheria ndogo kama mnavyopendekeza na kuipeleka kwa mkurugenzi wa Manspaa kwa mapitio na kuidhinishwa kwa matumizi…kumbukeni mikutano hii ni muhimu kwakua inachochea maendeleo”alifafanua Rumisha.

Aidha kamati ya fedha na uchumi kuanisha mapema vyanzo vya mapato vinavyoweza kuungizia mtaa huo fedha kwa maendeleo yake huku akiainisha baadhi yake kikiwemo cha faini ndogo kwenye makosambalimbali,kufanya harambee na kusaka wahisani yakiwemo mashirika na taasisi mbalimbali za ndani na nje.