NAPE atoa ahadi ya uhuru wa vyombo vya habari

Waziri wa habari, Utamaduni , sanaa na michezo Nape Nnauye 

WAZIRI wa habari,sanaa na michezo Nape Nauye amewaangukia waandishi wa habari nchini akiwaomba radhi kwa walichotendewa juzi bungeni na kusisitiza dhamira yake ya kuendelea kutoa uhuru kwa vyombo vya habari nchini kufanya kazi zao kwa ustadi akiamini hiyo ni chachu ya maendeleo kwa taifa.

Nape alilazimika kusema hayo kwenye mkutano wa Jukwaa la wahariri nchini(TEF) unaofanyika mkoani hapa kufuatia kuwepo taarifa kuwa wahariri hao wanakusudia kutoa tamko na kuwaondoa waandishi wao Mjini dodoma na kuzuia taarifa za bunge kwenye vyombo vya habari wanavyovisimamia.

"nitasema mambo matatu hasa hili ambalo binafsi sielewi lilitokeaje pale Bungeni baada ya wenzetu wa upinzani kutoka nje...nitamke kwa niaba ya serikali nitahakikisha hakuna mwandishi atakae fukuzwa kwenye vikao vile Bungeni kwani tunatambua umuhimu wao pale"alisema waziri Nauye.

Akiainisha mambo aliyokusudia kuyazungumza yaliyojitokeza katika uongozi wake Nape alisema mbali na kukoseshwa usingizi na uamuziwa serikali kufuta gazeti la Mawiyo hivi karibuni,kuibuka mtafaruku bungeni juu ya serikali kubadili muda wa kurusha bunge kupitia shirika la utangazaji nchini TBC na waandishi kufukuzwa bado anaumizwa na sheria zilizopo akidai zimepitwa na wakati.

"nikweli sheria zilizopo zina mapungufu maana kuna sehemu zinapishana na sera ya habari hata mimi nayaona haya lakini ndio sheria zinazofanya kazi sasa...mtazamo wangu ni kusaidiana nanyi kuboresha mswaada wa habari uliopo ili uwe na tija katika utekelezaji"aiongeza Nape.

Kuhusu uamuzi wa serikali kusitisha kurusha moja kwa moja matangazo ya bunge waziri huyo alitaja baadhi ya sababu kuwa ni hofu ya shirika hilo kuhufia kufilisika kutokana na gahrama kubwa ya urushaji matangazo huku tijayake ikiwa ndogo.

Alisema hesabu za awali zinaonyesha kwa mwaka shirika hutumia zaidi ya shilingi Bil.4.2 fedha ambazo hutokana na fungu la matumizi ya ofisi nakuwa mbali na gharama hiyo pia serikali imebaini kurushwa moja kwa moja kunasababisha watumishi kutowajibika wakikalia kutazama bunge pia mabadiriko metokana na tafiti katika mabunge ya nchi zilizoendelea na