CHANGAMOTO ya kukosa uhakika wa masoko yaisumbu kiwanda cha 21st Century

Mkuu wa mkoa wa Morogoro

WAKATI serikali ya awamu ya tano nchini ikijinasibu kukuza uchumi hadi wakati kupitia viwanda, kiwanda cha 21^st Century mjini Morogoro kinahofia kufa kutokana na bidhaa zake zenye thamani ya zaidi ya shilingi Bil.38 kurundikana ghalani kwa kukosa soko nchini na nje ya nchi.

Meneja uzalishaji kiwandani hapo Clement Munisi aliwaambia waandishi wa habari mjini humo kuwa kiwanda hicho kitafungwa baada ya bidhaa zake kukumezwa na bidhaa za aina hiyo kutoka nje ya nchi.

“ghalani tumelundika bidhaa zenye thamani zaidi ya shilingi Bil.38, hazitoki kwa kuwa kunamlundikano mkubwa wa nguo nchini zikiwemo zinazoingia kwa kodi kidogo na zinazokwepa kodi na ushuru…lakini pia mitumba bado ni kikwazo cha nguo zetu” alisema Munisi

Kwa mujibu wa meneja huyo baadhi ya viwanda vilivyoshindwa kujiendesha ni pamoja na kiwanda cha nguo cha MUTEX cha Musoma na Afritex cha mkoani Tanga huku viwanda vya magunia vya Mohamed Enterprises navyo vikidorola kutokana na bidhaa hizo kukosa soko baada ya kuingiliwa na bidhaa za JUTI na plastiki toka nje.

“mwaka 1982 tulikuwa na viwanda 23 nchini lakini kwa sasa vinafanyakazi vitatu tu, Tanzania ya viwanda itawezekana kama serikali itaandaa mazingira mazuri ya bidhaa za viwanda hivyo kupenya sokoni” aliongeza meneja huyo.

Kwa upande wake Meneja rasilimali watu kiwandani hapo Florent Mbaga alisema tayari athari za mlundikano wa bidhaa hizo umesababisha kiwanda kupunguza siku za uzalishaji bidhaa sambamba na wafanyakazi ili kikudhi gharama.