SHIRIKA la maendeleo la Uswissi (SDC) yakabidhi msaada wa bili 17

Balozi wa Uswis (Kushoto) na balozi wa Tanzania (kulia)

SHIRIKA la maendeleo la Uswissi (SDC),imeikabidhi Hospitali ya Rufaa ya Mtakatifu Fransisko wilayani Kilombero jengo la huduma ya wagonjwa wa nje baada ya kulikarabatiwa kwa shillingi Bil.17 kuboresha huduma ya afya.

 Jengo hilo lilokabidhiwa hivi karibuni na Mkurugenzi Mkuu wa shirika hilo Balozi Manuel Sager,akiambatana na Balozi wa Uswisi nchini Florence Mattli na kushuhudiwa na viongozi wa serikali mkoa wakiongozwa na Rc Dk Kebwe Steven sambamba na Askofu wa jimbo Katoliki Ifakara,pia linaenda sambamba na uboreshaji wa rasilimali watu kwa huduma bora.

Katika shukrani zake kwa serikali ya Uswissi mkuu wa Mkoa Dk.Kebwe aliahidi kuwa serikali ya Mkoa itaendelea kutoa ushirikiano katika kusimamia utekelezwaji wa miradi hiyo ili kuendelea kudumisha uhusiano mzuri kati ya serikali ya Uswisi na Tanzania uliodumu kwa zaidi ya karne moja.

Naye Baba Askofu wa jimbo katoliki Ifakara Sanitarius Libena aliitaka serikali kuimarisha mahusiano na seriakali na mataifa ya nje ikiwa ni hatua mojawapo ya kuharakisha maendeleo nchini.

Askofu Libena pia alitumia fursa hiyo kuishurukuru serikali ya awamu ya tano ya Jamhuri ya Muungano wa Tanzania kwa ushirikiano wake na kufanya kazi bega kwa bega na hospitali ya Rufaa ya Mtakatifu Fransisko hali aliyoelezea kuwa imekuwa chachu ya Maendeleo katika hospitali hiyo.

Balozi Manuel Sager alisema pamoja na uwezeshaji huo pia shirika hilo limefanikiwa kuanzisha klasta ya Ifakara,kuboresha vyumba vya kuzalisha mbu kwa utafiti wa malaria katika Taasisi ya Afya Ifakara(IHI) pia kuanzisha bidhaa zinazotumiwa katika matumizi ya ofisi.

Uswisi na Kilombero zimekuwa na ushirikiano ambapo taasisi mbalimbali ikiwemo ya mafunzo na utafiti Ifakara ikiwemo TTCIH,Edgar Maranta,IHI  zimekuwa zikinufaika na shirika hilo Swiss Tropical and Public Health Insitute(SwissTPH).