MLINZI wa chama cha mapinduzi wilayani Kilosa akutwa amekufa katika mazingira tatanishi

MKAZI wa mjini  kilosa,mkoa wa Morogoro aliyetambulika kwa jina la Abdallah Ramadhani aliyekadiliwa kuwa na umri wa miaka 60 ambaye alikuwa mlinzi wa ofisi ya chama cha mapinduzi ( CCM) wilayani Kilosa amekutwa amefariki usiku wakuamkia juni 12 mwaka huu

Akizungumzia kifo hicho mtoto wa marehemu Ramadhani Abdallah amesema kuwa baba yake alikuwa anasumbuliwa na ugonjwa wa shinikizo la damu na alipatiwa matibabu juni 9 mwaka huu na kuambiwa arudi juni 12 kwa matibabu zaidi, na ameongeza kwa kusema kuwa marehemu baba yake ameacha watoto tisa na wake watatu.

Akifafanua tukio hilo katibu wa chama cha mapinduzi Wilayani Kilosa Dodo Sambu amesema kuwa mlinzi huyo ni kweli alikuwa akifanya kazi katika ofisi hiyo ila hawakuwa na taarifa yoyote ya ugonjwa ya mlinzi huyo.

Akithibitisha tikio la kifo hicho hicho kaimu mganga mkuu wa hospitali ya wilaya ya kilosa masale Dickson ameeleza chanzo cha kifo hicho kuwa ni tatizo la shindikizo la damu lililokuwa juu sana na ndio lililompelekea kifo chake.