ASAMOAH alalamikia ubaguzi wa rangi

Nahodha wa timu ya Taifa wa Ghana Asamoah  Gyaan

MSHAMBULIAJI wa timu ya Ghana anayeichezea kilabu ya Al Ains Asamoah Gyan amemshtumu mchezaji wa timu ya Al Hilal Mihai Pintilii kwa kutoa matamshi ya ubaguzi wa rangi wakati wa mechi ya raundi ya pili ya nusu fainali za kilabu bingwa barani Asia siku ya jumanne.

Kisa hicho kilitokea baada ya Gyan kupewa kadi nyekundu baada ya kumchezea visivyo Salem Al-Dawsari ikiwa zimesalia dakika 20 kwa mechi hiyo kukamilika.
Pintilii ambaye ni raia wa Romania,alimkaribia Gyan ili kutoa hasira zake hatua iliosababisha mvutano kati ya wachezaji kutoka pande zote mbili.
''Pintilii alinitolea matamshi machafu'',alisema nahodha huyo wa timu ya Ghana.Mchezaji huyo hana haki kuniambia yale aliyoniambia.Aliniambia maneno yalionikasirisha''Alisema Gyan.''Anajua kile alichoniambia,unaweza kumuuliza'', aliongezea.