WIZARA ya viwanda,biashara na masoko yawataka wamiliki wa viwanda binafsi kuajiri wasomi wa ndani

Waziri wa viwanda,biashara na masoko Dk Abdallah Kigoda

SERIKALI imeanza kulia na menejimenti za viwanda binafsi nchini zinazowatenga watalaamu wanaozalishwa na vyuo vya ngazi mbalimbali nchini na kuthamini  wanaotoka nje ya nchi kwa madai kuwa kufanya hivyo ni kuendelea kulitia umasikini Taifa.

Kauli hiyo ilitolewa na Waziri wa Viwanda na Biashara Dk.Abdallah Kigoda wakati akifungua kongamano la wanafunzi wa Vyuo vya elimu ya Juu Chuo Kikuu cha Mzumbe tawi la Mbeya kwa lengo la kumwandaa mwanafunzi kutotegemea ajira.

Akizungumzia ongezeko la wataalamu kutoka vyuo hivyo Dk.Kigoda alisema katika kipindi cha 2010/11 zaidi ya wanafunzi 130,000 walidahiliwa elimu ya juu na kuwa mwaka 2011/12 kunaongezeko la wanafunzi zaidi ya 160,000.

Aliwahakikishia  wawekezaji na wamiliki wa viwanda hapa nchini wanauwezo mkubwa wa kuendesha na kukuza ufanisi kwenye viwanda hivyo nahivyo kuwa na tija kwao na serikali yao kwa jumla.

Kuhusu kufufua viwanda vilivyokufa hapa nchini vikiwemo vya nguo,sabuni na vile viwanda vya zana za kilimo Dk.Kigoda alisema lengo la serikali ni kuhakikisha inavilinda na kuvikuza kupitia fulsa zilizopo ili kutatua tatizo la ajira kwa vijana.

Kongamano la wanafunzi wa vyuo vya elimu ya juu Mkoani Mbeya limeandaliwa na chuo kikuu mzumbe kwa udhamini wa kampuni ya usafirishaji wa ndege ya Fast jet,kampuni ya simu za mkononi ya Airtel,mfuko wa hifadhi ya jamii wa PPF na COCACOLA KWANZA.