MSHUKIWA wa mabomu arejeshwa Nigeria

Aminu Sadiq Ogwuche

MSHUKIWA wa mashambulizi mawili ya mabomu mjini Abuja ,nchini Nigeria, ambayo yaliwaua watu 75 , amerejeshwa nchini Nigeria kutoka Sudan.

Aminu Sadiq Ogwuche, alikamatwa mjini Khartoum mwezi Mei baada ya shirika la polisi wa kimataifa Interpol kutoa waranti ya kumkamata.

Anatuhumiwa kwa kupanga mashambulizi yaliyofanyika katika kituo cha basi mapema mwaka huu ambayo Boko Haram ilikiri kuyafanya.

Maelfu ya watu wameuawa nchini Nigeria mwaka huu peke kutokana na mashambulizi ya Boko Haram wakitaka kuruhusiwa kuunda jimbo lenye kufuata sheria za kiisilamu Kaskazini mwa nchi.