MUIGIZAJI afungwa jela miaka 18 kwa kosa la kumtumia Rais Obama barua yenye sumu

Shannon Richardson akiwa mahakamani 

MUIGIZAJI  mwanamke nchini Marekani aliyemtumia Rais Barack Obama barua iliyokuwa na sumu ya Ricin amefungwa jela kwa miaka 18.

Shannon Richardson, mwenye umri wa miaka 36, kutoka Texas, pia alimtumia meya wa New York Michael Bloomburg barua nyingine iliyokuwa na sumu hiyo hiyo.

Alidai kuwa mumewe waliyeachana naye ndiye alituma barua hizo katika njama ya kumlimbikizia madai hayo.

"sikuwa na nia ya kumdhuru mtu, '' Shannon aliambia mahakama.

Alikiri kosa la kumiliki na kutengeza sumu hiyo mwezi Disemba.

Jaji alimpa hukumu kubwa zaidi ikilinganishwa na kosa lake na pia kutakiwa kulipa faini ya dola 367,000.

Richardson, mama mwenye watoto six, ameigiza katika vipindi kama 'The Vampire Diaries' na 'The Walking Dead.'

Viongozi wa mashitaka wanasema kuwa mwanamke huyo aliagiza bidhaa za kutengeza sumu hiyo kupitia kwa mtandao kisha akatuma barua tatu zilizokuwa zimepakwa sumu hiyo.