PSPF yazindua mfuko wa mikopo kwa wastaafu

Mkurugenzi mkuu wa PSPF Adamu Mayingu

MFUKO wa hifadhi ya jamii PSPF umezindua mfuko wa mikopo maalumu kwa wastaafu ukilenga kukomesha wimbi la umasikini na kuwawezesha kuishi maisha bora hadi mwisho wa uhai wao.

Mbali na mfuko huo kuanzisha mikopo kwa wastaafu na kufanikiwa kutekeleza mpango mkakati wa ‘PSPF tulizo la wastaafu’ uliowanufaisha zaidi ya wastaafu 2,000 tayari umeanzisha huduma kwa simu za mikononi ijulikanayo ‘PSPF pamoja nawe’ na kituo cha huduma kwa wateja Call Center.

Hayo yalisemwa na mkurugenzi mkuu wa mfuko huo Adam Mayingu kwenye mkutano wa 98 wa watayarishaji wa vipindi vya elimu kwa umma kupitia shirika la utangazaji nchini TBC.

Katika maelezo yake,Mayingu alisema mbali ya PSPF kufanikisha hayo pia imefanikiwa kutoa huduma ya mafao sita kwa mfumo wa hiari sambamba na kuongeza idadi ya wanachama kutoka 320,860 mwakajana hadi kufikia 400,000 kutoka katika sekta mbalimbali  nchini mwaka huu.

Akifungua mkutano huo mkuu wa mkoa wa Morogoro Joel Bendera ambae pia amejiunga na mfuko huo aliutaka mfuko huo kujitangaza zaidi kutia vyombo vya habari ili wanachi waufahamu na kuhamasika kujiunga.

Awali alilitaka shirika la utangazaji nchini TBC kuendelea kutoa elimu zaidi ya uandaaji vipindi hivyo vya elimu kwa umma na vinginevyo kuondoa changamoto ya habari holela.

Bendera alisema shirika hilo pia linapaswa kuwa mstari wa mbele kuimarisha na kuboresha taaluma ya utangazaji kwa kuwajengea uelewa waandaji wa vipindi kwa wamiliki na waongozaji katika