WAKULIMA Mbeya washauriwa kupanda mbegu zilizothibitishwa

Shamba mpunga la Uyole Mbeya

WAKULIMA Mkoani Mbeya  wameshauriwa kupanda mbegu zilizothibitishwa na mamlaka ya uthibiti wa mbegu nchini  ili waweze kuepukana na ugonjwa wa zeruzeru kwa zao la mahindi na mazao mengine.

Kauli hiyo imetolewa na Kaimu Mratibu wa Afya ya Mimea Kanda ya Nyanda za Juu Kusini Emmanuel Joo, wakati wa mahujiano na Mbiu ya Maendeleo  mapema leo ofisini kwake.

Amesema baadhi ya wakulima wamekuwa wakilima kwa mazoea bila kufuata ushauri wa wataalamu wa kilimo hali inayopelekea kushuka kwa kiwango cha uzalishaji.

Kaimu huyo ameongeza kuwa mkulima anatakiwa kusafisha shamba na kuondoa masalia ya mazao ya msimu uliopita ili aweze kuepukana na ugonjwa huo kwani bado haujapatiwa kiwatilivu chochote cha kuutibu.

Hata hivyo, ameiomba serikali ifanye utafiti wa kina kuhusu ugonjwa huo wakati wakulima wanaendelea kuchukua tahadhari ya kupanda mbegu bora na kusafisha mashamba yao.