VICOBA Morogoro Manispaa kumpongeza Abood

Mbunge wa Morogoro mjini Abdul ziz Abood

WANAWAKE Manispaa ya Morogoro kupitia zaidi ya vikundi 148 vya silc na vikoba mjini humo mwezi Mei wanakusudia kumpongeza mbunge wa jimbo hilo Abdulazizi Abood kwa mchango wake wa kuwapunguzia umasikini akinamama na vijana kwa kuvihamasisha vikundi,kuviwezesha na kuvisimamia.

Tafrija hiyo inayotaraji kufanyika katika uwanja wa Jamuhuri mjini humo,inatarajiwa pia kumwomba atetea nafasi yake hiyo kwa kumkabidhi fedha za fomu,kufanyika maonyesho ya bidhaa zao na kugonganisha bunifu walizonazo kwenye vikundi ili kukuza vipato vyao.

Wakizungumzia hilo kwa nyakati tofauti kwenye tafrija za kugawana mapato na taarifa zamwaka mwishoni mwa wiki Mwalimu Mkuu msimamizi wa vikundi vya SILC Manspaa hiyo kupitia mradi wa TUNAJALI Leonce Mvungu na mkufunzi kutoka CARE(T) Francis Mbwambo walisema kupitia vikundi hivyo wananwake na vijana wamekuza vipato vya familia na jamii.  

“tunaomba tufahamike kuwa tafrija hii ni mpango wa wanavikundi baada ya kuona faida ya vikundi,lakini tunataka kumpongeza Abood kwa umahili aliokuwa nao licha ya kutoa chochote lakini ushuri na maagizo yake yameviwezesha vikundi kuimarika…leo tunaongelea kukua mitaji yaani kikundi chenye mtaji mdogo kinakaribu shilingi Mil.35”alisema Mvungu.

Awali katika risala za vikundi zilizosomwa kwa nyakati tofauti kikundi cha ‘Silc Chamwino’ na kikundi cha Umoja ni nguvu(Kija -umongu) pamoja na mambo mengine walimwomba mbunge huyo kutovunjika moyo wa kuendelea kuvijenga kwa kuvitafutia masoko ya bdhaa wanazobuni na kuziandaa kukuza mitaji yao.

“mfano katika kipindi cha mwaka 2015-2016 Kija-Umongu inakusudia kukuza mtaji wake hadi zaidi ya shilingi Mil.150 sambamba na kutafuta vyanzo vingi vya kukuza mtaji…tutapenda kupata uzoefu wako wa hali na mali kufikia azima hiyo”alisoma Stela Mwanilwa wa kikundi cha Kija-umongu.

Katika hotuba iliyotolewa na katibu wake Moris Masala,Abood alivitaka vikumdi kujiimarisha kwa ubunifu mkubwa katika kuandaa bidhaa,kuboresha ufungashaji bidhaa hizo na kuwa na nidhamu kwenye matumizi ya fedha kwa kusoma mbele ya wnachama wote taarifa za mapato na matumizi na kipindi wanapogawana gawio.

“unajua sasa hivi takwimu zinaonyesha wanawake wanaweza hata wasipowezeshwa hata kwa mifano midogo sasa  hivi ndio watafutaji,waleaji familia na ndio wanaopanga familia iishi vipi…na ninawasini akina baba muda mfupi ujao tutakuwa ombaomba kwa wanawake zetu maana tumebaki watu wa kumka na kukimbilia vijiweni kubishana tu”alisema Masala.

Aliwataka kuendelea kuhamasisha wenanwake na vijana kujiunga katika vikundi hivyo ili wajiongezee ujizi wa kutunza na kuongeza fedha katika mamilia zao.