WALIMU wilayani Chemba wasusia posho

Jengo la CWT  la mkoa wa Morogoro

WALIMU wilayani Chemba mkoani Dodoma wamesusa posho ya shilingi 5,000 badala ya shilingi 25,000 waliyopaswa kulipwa na idara ya Afya baada ya kuendesha zoezi la chanjo ya kichocho na minyoo kwa watoto mashuleni.

Wanaotajwa kuendesha zoezi hilo la dhuluma ya posho kwa walimu hao

baada ya zoezi hilo lililofanyika kati ya Aprili 8-10 ni pamoja na Mkurugenzi wa halamashuri William Mafwele,mkuu wa idara ya Afya wilaya DMO Dk.Sylivester Makondo na mkuu wa idara ya elimu DEO Abdalah Mbaruku.    

Wakizungumza kwa shariti la kutotajwa majina yao kwa hofu ya kupoteza ajira zao kutokana na vitisho vinavyotolewa na viongozi hao wakiongozwa na Mkurugenzi kwa nyakati tofauti walisema  wanasamehe fedha hizo kwa kuchoshwa na dhuruma wanazofanyiwa kila mwaka.

William Mafwele alipotafutwa kutoa ufafanuzi wa dhuruma huyo hakutaka kutoa ushirikiano kwa mwandishi baada ya kumtaka kuandika alichoelezwa kwakua hana muda wa kujadili upuuzi kama huo.

Hata hivyo alipotafutwa DMO Dk. Sylivester Mkondo na DEO Abdalah Mbaruku kwa nyakati tofauti walikiri kuwepo kwa tukio hilo wakidai kutokana na walimu kutoelewana na mratibu wa mradi huo wakati wa semina ya utoaji chanjo hizo.

 Walisema baada ya walimu hao kueleimishwa tofauti ya malipo ya mwakajana inatokana na zoezi lile kujumuisha mazoezi mawili likiwemo Surua na Lubela tofauti na mwaka huu ambapo zoezi litahusu zoezi moja,walikubali na zoezi la kuwalipa shilingi 15,000 limeanza.  

 Kwa mujibu wa walimua hao kuchoshwa na dhruma hiyo kunatokana na zoezi kama hilo mwakajana kudhumika badala ya kulipwa shilingi 30,000 walizostahili kwasiku badala yake wakalipwa shilingi 25,000 huku wakitishwa kufukuzwa kazi waliojaribu kuhoji.