CWT Morogoro yawataka walimu kuwa wabunifu katika ufundishaji

CHAMA cha walimu CWT Manispaa ya Morogoro kimewatahadhalisha waalimu kutoshabikia teknolojia na utandawazi wa kigeni badala yake kimewataka kuwa wabunifu wa njia za ufundishaji na kuvitambua vipaji vya watoto madarasani kisha kuviendeleza ili viwe na tija kwa kizazi cha sasa na kijacho.

Hayo yamesemwa na Katibu wa chama cha walimu Manspaa ya Morogoro Raphael Maswi kwenye hafla fupi ya kuwatunuku walimu 10 zawadi ya mifuko 10 ya Saluji kama kifuta jasho kwa kila mmoja kutokana na utumishi wao kwa jamii akisisitiza ipo hatari ya mila na desturi zetu kupotea.

Katika hafla hiyo iliyofanyika katika ofisi za CWT Mkoa,Maswi alisema katika kutambua na kuthamini mchango wa waimu katika taifa chama hicho Manspaa kimekuwa kikibana baadhi ya matumizi yake ili kuwezesha walimu hao kuondoka mapumzikoni na kitu cha kuanzia katika maisha Mapaya.

"mpaka mwezi februari mwaka huu zaidi ya shilingi 17,380,000 fedha zake za ndani katika ofisi zimetumika kuwapa motisha wastaafu wanaozidi  60 mwaka 2013/14...tunafanya hivi angalau kutambua na kuthamini mchango wa mwalimu maana tunaona bado serikali inasuasua"alifafanua Maswi na kuongeza.

“sio tunaingilia kazi ya serikali tunataka kuimarisha haiba ya mwalimu,katika mpango huu mwaka 2013 tulitumia shilingi Mil.6 na mwaka 2014 shilingi Mil.4.570 kwa ajili ya samani na shilingi 6,810,000 kwa ajili ya zawadi”alifafanua Maswi.

Wakiunga mkono juhudi hizo baadya walimu Monela Mzelu na Frolance Gombe walivitaka vyama vingine vya wafanyakazi nchini kuiga utaratibu wa chama hichi ikiwemo kutumia fedha kidogo kuboresha maeneo ya kazi na kutoa mkono wa kwaheri kwa wanachama. 

kwa nyakati tofauti walisena mbali na kada ya elimu kukumbwa na chamgamoto mbalimbali zikiwemo za maslahi madogo,kutolipwa baadhi ya stahiki na kutelekezwa pindi wanapo staafu zipo pia kada nyingine ikiwemo Polisi ambazo serikali inapaswa kuitazama kwa jicho la pili ili kuliendeleza taifa na amani iliyopo.

"unajua amani ndio kilakitu bila amani hata elimu haitolewi na tunaliombea taifa hili livuke katika mchakato huu wa kupata viongozi bila hata chembe ya damu kumwagiaka maana viashiriali vilivyopo ni hatari kwetu wazee na wajukuu zetu"alisema mwalimu Frolance