JIJI la Arusha kupata bilioni 28

HALMASHAURI ya Jiji la Arusha inakamilisha mchakato wa kupata Sh bilioni 28 za mkopo kutoka Benki ya Rasilimali Tanzania (TIB) kwa ajili ujenzi wa soko jipya la Kilombero.

 Mkurugenzi Mtendaji wa jiji hilo, Juma Iddameabainisha hayo wakati alipozungumza na waandishi wa habari na kusema kuwa, miundombinu ya soko hilo kwa sasa imechakaa na imefikia mwisho wa uzuri wake.

Idd anasema, soko hili halifai kukarabatiwa lakini kubomolewa na kujengwa soko jipya litakalokuwa na miundombinu bora kuliko ilivyo sasa.

Aidha anasema wanamalizia uboreshaji wa miundombinu ya Soko la Shuma lililopo katika kaunti ya Elerai ambalo kuanzia sasa litakuwa likitumika kushushia bidhaa zote zikiwemo matunda, samaki na vitunguu, na wafanyabiashara watakuwa wakitumia magari madogo kubeba bidhaa zao hadi soko la Kilombero.

Mkurugenzi huyo pia anasema, magari yote ya mizigo ya biashara hayaruhusiwi kushusha wala kupakia mizigo ndani ya soko la Kilombero na hayo ni baadhi ya maandalizi ya soko jipya.