MVUA za El Nino kusababisha ukame katika nchi za kusini mwa Afrika

SHIRIKA la  Chakula na Kilimo Duniani FAO limetangaza kuwa, taathira za mabadiliko ya hali ya hewa yanayosababishwa na El Nino zitapelekea eneo la kusini mwa Afrika kukumbwa na ukame mkubwa , hali itakayopelekea mazao mengi kunyauka .

Kwa mujibu wa utafiti uliofanywa na shirika hilo hilo ni  kuwa, kutokana na kupungua sana mvua katika maeneo mengi ya kusini mwa Afrika na kutokuweko mazingira ya kupanda mazao nchi za eneo hilo, inatabiriwa kuwa, idadi ya watu watakaokosa bidhaa muhimu za chakula itaongezeka sana katika miezi ijayo.

Ripoti hiyo inasema kuwa, kupungua mno unyeshaji mvua katika nchi ya Namibia kumeifanya sekta ya kilimo nchini humo kukabiliwa na hali mbaya na hivyo kupungua mno uzalishaji wa mazao katika nchi hiyo. Aidha kwa mujibu wa ripoti ya mwishoni mwa mwaka uliopita ya Shirika la Chakula na Kilimo Duniani FAO ni kuwa, zaidi ya asilimia 42 ya wananchi wa Namibia wanakabailiwa na uhaba wa chakula.

Nchi nyingine ambayo raia wake wanajongewa na baa la njaa ni Malawi ambapo takribani raia milioni mbili na laki nane wa nchi hiyo wanakabiliwa na hatari ya kukumbwa na baa la njaa.

Kadhalika Madagascar na Lesotho nazo zinaelezwa kuwa miongoni mwa nchi zinazokabiliwa na uhaba wa chakula.