Manispaa ya Morogoro kutumia bilioni 8 kujenga miundo mbinu

Manispaa ya Morogoro

SHILINGI  Bil.8.774 zimepangwa kutumika kujenga upya miundombinu kwenye jamii na kuiboresha mji wa Manispaa Morogoro katika kipindi cha 2016/17.

 Hayo yamebainishwa karibuni kwenye baraza la madiwani na Meya wa manispaa hiyo Paschal Kihanga akifafanua kuwa kati ya kisi hicho cha fedha shilingi Bil.7.5 zilizokopwa benki ya CRDB zitatumika kujenga vitegauchumi likiwemo jengo la kisasa maarufu DDC na soko kuu la kisasa.

“fedha hizo shilingi Bil.7.5 ni asilimia 75 ya gharama ya mradi manispaa inataraji kuchangi asilimi 25 na tayari upembuzi yakinifu wa ujenzi wa soko kuu la kisasa umefanyika”alisema Kihanga.

Aidha alisema ndani ya shilingi hizo Bil.8.774, shilingi Mil.927 zinataraji kujengea kilomita 2.46 za lami mjini humo ikiwemo barabara ya Regasore, Mtoni na Mdaraka sambamba na kuweka tabaka jipya la lami katika barabara ya Uhuruna Nkomo zenye urefue wa kilomita 1.28.

“shilingi Mil.250 tunatarji kutengenezea kilomita 4 za mifereji ya maji ya mvua eneo la Ipo ipo-Kihonda magorofani na barabara ya kichangani huku shilingi Mil.97 tumepanga kuboresha maeneo korofi barabara ya Chamwino,Mkundi-Kinglwira,Misongeni-Kinglwira,Lukuyu na Area Five”Aliongeza meya huyo.

Mbali na fedha hizo kutengwa kwa ajili ya miundombinu,Meya huyo alisema Manspaa hiyo inalenga kuondoa vifo vya watoto na mama wajawazito kwa kupeleka ombi maalumu la shilingi Bil.2.5 kutoka Tamisemi ili kukamilisha ujeni wa hospitali ya manispaa ambayo tayari imeanza kujengwa.